عيد س عيد :)

كل سنة و انتوا طيبين و كويسين و مبسوطين و بتضحكوا :)

تاج متفائل :)

تاج جديد مررتهولى من هنودة .. عاشقة اسكندرية
و قلت ابقى ارد عليه طالما قالوا بيظبط الموود
**

بتفاءل لما ..
اشوف حد ماشى مبتسم فى الشارع مع ان كل الناس مبوزة

بتفاءل لما ..
اسمع منير او داليدا عالصبح و احس بروح مصر عايشة معايا

بتفاءل لما ..
اشوف طفل بيضحك من قلبه من غير ما يشيل هم اى حاجه فى الدنيا

بتفاءل لما ..
الدنيا تمطر و احس بالهوا الساقع بيلمسنى

بتفاءل لما ..
اقرى بوست عند حد معرفوش و الاقيه بيوصف مشاعرى بالمللى و احس انى مش لوحدى

بتفاءل لما ..
احس بطعم الشوكولاته بيدفينى

بتفاءل لما ..
الاقى ناس كتير اوى بيحبونى بجد و انا مش واخده بالى

بتفاءل لما ..
ارجع فى الصيف للملجأ اللى كنت بروحه و الاقيهم كلهم كبروا بس لسه فاكرينى غادة و سمية و مريم .. وحشتونى مووت بجد !

بتفاءل لما ..
الاقى كل الناس بتبعد الا هى لسه واقفه جنبى

بتفاءل لما ..
معاد نزولى لمصر يقرب

بتفاءل لما ..
احس ان ربنا قريب منى رغم كل اللى بعمله

بتفاءل لما ..
يوصللى تاج جديد :)

.....

مش هدبس حد فى التاج بس اى يحب يرد عليه .. يبقى يرد براحته

!! نهاية لعبة

يوم الخميس اللى فات و احنا فى مدرستى الكريمة لقيتهم بيجرجرونا على قاعة المحاضارات .. طبعا رحت و انا مبسوطة جدا عشان حصص الفيزيا و العربى هيضيعوا .. لكن مكنتش اعرف ان دمى هيتحرق كده ..
المهم اللى هتدينا المحاضرة واحده اسمها بدرية معرفش ايه .. ما علينا ..
بدأت المحاضرة اللى اسمها نهاية لعبة !
اللعبة دى اللى هى الموبايل و محدش يسألنى ايه العلاقة ..

الست ركزت على أربع نقط رئيسية ..
أولا :
حرام الواحده تتصور بالموبايل بتاعها عشان كل الصور بتتسجل على الذاكرة الاحتياطية و بعد ما الموبايل ده بيتباع الشباب اللى هما الشياطين و الذئاب البشرية بيشتروا الموبايلات دى اول ما يعرفوا انها بتاعة بنات و يتفرجوا عالصور و بعدين يركبوها على اجسام تانية ..
حاولت الاقى للست اى عذر قلت يمكن قصدها على الفون ميمورى و الميمورى كارد فلو اتمسحت الصور من واحده بتفضل فى التانية .. بنت قامت قالتلها ما تعمل فورمات للموبايل فاذا بها بتقللها لا .. الصور دى مهما مسحتيها بتفضل عالموبايل مبتتمسحش ابدا !

ثانيا
حرام الواحده تخرج مش مغطية وشها لان كده اى حد ممكن يصورها و الصور دى بعد كده تتبعت بالبلوتوث او تتحط عالنت و البنت تتفضح !

ثالثا
حرام اى واحده تروح فرح و تلبس فستان سواريه و تتزين عشان ممكن تتصور هناك و الصور دى تنتشر برضه! (مع العلم ان هنا كل الناس بتتفتش قبل ما تدخل اى فرح و كل الموبايلات و الكاميرات بتتاخد )

رابعا
الكفار اللى اخترعوا الموبايلات دى كانوا مخليين مساحة الفيديو بتصور لغاية دقيقة .. و بعدها وصلت لتلات دقايق .. و بعدها وصلت لساعة ..
ليه بقه ؟؟
عشان الكفار اول ما عرفوا ان المسلمين بيستخدموا الفيديو ده فى اشاعة الفتنة قاموا زودوه لساعة !!!

ده غير طبعا شوية قصص الفضايح اللى اتقالوا ما بين الكلام ، و معرفش مين اتطلقت و مين انتحرت بسبب صورة ما و بتاع ايه .. ممكن شوية من القصص دى تكون صح بس ابدا متتقالش فى السياق ده ..
و فى النهاية استتروا يا بنات يا حبيبات جلبى استتروا استتروا .

تك .. غلق الباب

-1-
الباب مفتوح على مصراعيه ..
بينما يقف هو يتأمله فى لا مبالاة منشغلا فى التفكير فى الأشياء الرائعة التى قد توجد وراء ذلك الباب.

-2-
يبدأ الباب فى التحرك بينما هو مازال ثابتا يحدق فيه .

-3-
يغلق الباب رويدا رويدا
فيبدأ هو بالتحرك .

-4-
يكاد الباب ان يغلق ..
بينما هو يجرى لاهثا .. لم يظن انه بعيد لهذه الدرجة .

-5-
تك .. غلق الباب
و لكنه مازل بالداخل يفكر فى ما وراءه !

..............

ياسمين..

ياسمين..

قلبها صافى و نقى جدا لدرجة غير متخيلة ..
مبتشوفش غير الكويس فى اى حد ..
من الناس القليلين اوى اللى مبيعرفوش يكدبوا ..
دايما بتحاول تعقلنى بس مفيش فايدة منى
بتعرف امتى تسيبنى اعيط فى حضنها و امتى تحاول تهدينى
بتحس بيا من غير ما اتكلم .. و بتفهم اللى جوايا من غير ما اضطر اقوله
ممكن اكلمها الساعة 5 الصبح .. مش عشان حاجه الا ان انا مش عارفه انام و زهقانة .. فتصحى و ترغى معايا
و لا لما تعد نتخانق عشان عزومة بيبسى كان ب2 جنيه و احنا الاتنين مفلسين اساسا و معناش فلوس
و لا لما اطب عليها فجأة عشان اسلم عليها اول ما رجعت من السفر و هى وسط مذاكرة الامتحانات
اول ما اتخنق تبدأ تهزر و تهيس عشان افك شوية - اصلى مبفكش بسرعة -
.. لو فضلت اكمل لبكرة الصبح الكلام مش هيخلص ..

ياسمين..
وحشتينى اوى بجد
كل سنة و انتى طيبة ..
كل سنة و انتى صاحبتى
:)

لست هناك

لا أدرى لماذا أحاول خداع نفسى ..
كيف اقنعها ان شيئا لم يتغير .. بل تغيرتُ و تغيرت الدنيا من حولى
و جميع الصور التى على الحائط لن تغنينى عن اصحابها..
لا ادرى لماذا وضعتها اصلا .. خوفا من ان انسى .. ام للشعور بانهم مازالوا معى .. لم و لن انسى يوما حتى و ان تظاهرت بذلك .. و لكنها تخنقنى .. تذكرنى بكل ما لا استطيع الحصول عليه الآن .. و لكن مع ذلك لا اقدر على انتزاعها ..
و تلك الجرائد المخزنة لن تفلح فى اقناعى اننى مازلت هناك .. رغم انى اقرأها مرارا و لكنها فقدت معانى كلماتها و روح صورها
حتى فانوس رمضان بهت لونه .. و كحك العيد تغير مذاقه
و مهما حاولت خداع عينى فلابد و ان تدرك الفرق..


مهما فعلت .. فأنا هنا


و لست هناك ..


.......

لقد تغيرت .. حتى و ان حاولت التظاهر بعكس ذلك
فلابد و ان تأتى لحظات و يكشفنى ضعفى..
لكى ادرك اننى لم اعد نفس الشخص الذى كنته من قبل

يسألونها ماذا بها .. هى فقط لم تعد تغنى

كلمات المبدع وليد طاهر

جريدة الدستور

اسفة لانقطاعى الفترة اللى فاتت لظروف سفرى لمصر .. بس ادينى جيت اهه و حالتى النفسية زى الرسمة اللى فوق دى بالظبط

وحشتونى ..

لكل اللى فى الصورة فوق ..
وحشتونى بجد ..
ياااه .. بعد 8 سنين مع بعض صعب اوى فجأة ملاقيكوش ..
السنة دى مكانش ليها طعم من غيركوا ..
نفسى ابقى معاكوا دلوقتى ..
ربنا معاكوا فى ثانوية عامة..
وحشتوووووووووووووووونى

بمناسبة عيد ميلادى ..

نفسى اضحك من قلبى كده

The Mad King

I'm going to tell you a story, said Zedka. A powerful wizard, who wanted to destroy an entire kingdom, placed a magic potion in the well from which all the inhabitants drank. Whoever drank that water would go mad.

The following morning, the whole population drank from the well and they all went mad, apart from the king and his family, who had a well set aside for them alone, and which the magician had not managed to poison. The king was worried and tried to control the population by issuing a series of edicts governing security and public health. The policemen and the inspectors however had also drunk the poisoned water and they thought the king's decisions were absurd and resolved to take no notice of them.

When the inhabitants of the kingdom heard these decrees, they became convinced that the king had gone mad and was now giving nonsensical orders. They marched on the castle and called for his abdication.

In despair, the king prepared to step down from the throne, but the queen stopped him, saying: "Let us go and drink from the communal well. Then, we will be the same as them."

And that was what they did: the king and the queen drank the water of madness and immediately began talking nonsense. Their subjects repented at once; now that the king was displaying such wisdom, why not allow him to continue ruling the country?

The country continued to live in peace, although its inhabitants behaved very differently from those of its neighbors. And the king was able to govern until the end of his days.

Veronika laughed.

Do you know what exists out there, beyond the walls of Villete (the asylum of Ljubljana, Slovenia)?

People who have all drunk from the same well.

Exactly, said Zedka. They think they're normal, because they all do the same thing. Well, I'm going to pretend that I have drunk from the same well as them.

I already did that, and that's precisely my problem.

......

Veronika Decides to Die - Paulo Coelho

يمكن ناسى

يمكن ناسى لأنك فيها.. مش وحشاك و لا غبت عليها

هى الاولى

"لو كانت ذكرياتي سعيدة ما كتبتها.. إن ذكرياتي التعيسة هي الأولى"

توفيق الحكيم

فلاش باك

(1)

يونيو 2004

"بس قطر فعلا بلد حلوة .. هادية و نضيفة
الواحد هيرتاح اوى لو عاش هناك ."

(2)

مارس 2006

"ايثار .. فى شغل معروض عليا فى قطر و لسه مش عارفه الامور هتمشى ازاى .. بس حبيت اقلك."
( عادى يعنى .. ياما اتعرض على ماما شغل بره)

(3)

بعدها بكام يوم

الو .. ياسمين ..
مالك يا بنتى فى ايه .. بتعيطى ليه؟
ماما معروض عليها شغل فى قطر و احتمال نسافر !
تسافرى ؟!!!
لا لا .. تسافرى ده ايه ؟ مينفعش .. اكيد مش هتسافرى .. ده اكيد كلام كده بس .
يا بنتى بقللك هيعملوا معاها انترفيو و الموضوع شكله ماشى .
لا لا .. مانتى ياما اتعرض على مامتك شغل بره يعنى .
ياسمين صدقينى انا حاسه ان الموضوع ماشى كويس ..
خلاص اهدى انتى بس و بطلى عياط .. انا قلبى بيقللى مش هتسافرى .


(4)

ابريل 2006

"فى شغل معروض على ماما يا بنات فى قطر .. لسه مبانش حاجه بس الدنيا شكلها ماشية كويس و احتمال نروح نعيش هناك."
..
طيب ماشى !

(5)

نفس اليوم بالليل

ايثار مالك ؟ عينيكى حمرا اوى .. انتى كنتى بتعيطى ؟؟؟
لا مفيش .. معرفش واجعانى بقالها شوية بس ..
فى حاجه ؟ شكلك كنتى بتعيطى ..
مفيش و الله .. هعيط ليه بس هو فى حاجه اعيط عليها؟
طيب .. تعالى احطلك قطرة !

(6)

مايو 2006

غريبة الولاد خدوا الموضوع ببرود اوى !

(7)

اغسطس 2006

ادخل غرفتى الجديدة .. اجدها خالية الا من سرير وحيد
ينتظرنى فنكون وحيدين معا !
املأ الجدران بصور .. كنا فيها معا ..
لماذا ؟ لا ادرى .. و كأننى من الممكن ان انسى يوما !

(8)

سبتمبر 2006

قسماً .. قسماً
قسماً بمن رفع السماء
قسماً بمن نشر الضياء
قطر ستبقى حرةً
تسمو بروح الاوفياء
..
وجوه غير الوجوه
و عالم غير العالم
ادخله فجأة !

(9)

رمضان 1427 هــ

لم اشعر به مطلقا .. لم ار فوانيساً معلقة هنا و هناك
لم افطر اول يوم عند جدتى و لم اصلى التروايح فى النادى كعادتى كل عام ..
باختصار لم يكن رمضانا بالنسبة الى !

(10)

ديسمبر 2206

نجلس معا لنشاهد افتتاح الالعاب الاولمبية الاسيوية .. يهتف ابى ساخرا : " طبعا مصر هى اللى عاملالهم الشغل الجبار ده"
انظر اليه صامتة .

(11)

فبراير 2007

انزل الى مصر فى اجازة اسبوعين .. اجد كل شئ كما هو لم يتغير .. فيما عدا عدم بقائى جزءاً منه .. مضى الجميع فى حياتهم و كأنى لم اكن بها يوما .. نفس السيناريو الذى توقعته .

(12)

ابريل 2007

"وحدتنا هذا الفصل عن الحضارات المصرية القديمة ."
ينظر الى الجميع باعتبار اننى المصرية الوحيده فى الصف ، بينما تقلب زميلتى فى الكتاب و تقول : " اكبر وحدة فى المنهج ! ماشالله عليكم "
اقول ساخرة : " طبعا مش زى تاريخ قطر . الا هو ايه تاريخ قطر اساسا ؟!"
ترد على باسمة : " حفرنا فى الارض لجينا شى اسود .. صرنا اغنياء !"
افكر واجمة .. شئ اسود جاء بى الى هنا فى يوم اسود منه بالطبع .

.. و تخنقنى الذكريات

كل ما بحاول انسى .. بقتكر اكتر
و كل ما بحاول اطنش.. بتعب اكتر

يا رب ارحمنى من اللى انا فيه

سبحان مغير الاحوال

Before..

ده مشهد من فيلم ايرانى قديم ..

After ..

و ده الحال دلوقتى
.....

فعلا شئ يدعو للدهشه زى ما مخلوف قال
......

تغيرت

اطالت النظر الى انعكاسها فى المرآة
من هذه؟
لا تشبهها اطلاقا
بشعرها المتموج
و وجهها الذى فقد حيويته و صار اكتر نحولا
الامر الذى لم تنجح مساحيق التجميل فى اخفاءه
و عينيها التان فقدا بريقهما و صارت تحيط بهما الهالات السوداء

حدقت كثيرا الى شكلهها هذا
ماذا حل بها؟
اين ذهبت الطفله الصغيرة التى كانتها؟
اين ضفائرها الصغيرة؟
اين البراءة التى كانت تسكن فى عينيها؟

تمللت من كثرة النظر الى شكلها هذا..

ذهبت و اشعلت سيجارة و اخذت تفكر
ما الذى حدث لها؟

.. لقد تغيرت
اصبحت اكثر تمردا
اكثر جرأة
اكثر تحديا
و لكن مع هذا كله
اصبحت اكثر حزنا
فقدت حيويتها و تألقها الدائم

اصبحت نسخة من اشخاص كانت تسخر منهم بالماضى
بالتأكيد كانت افضل حالا من قبل
بلا هموم
بلا متاعب
بلا جراح
بلا تلاعب ..

مش عايزة

انا مش بحب مصر بس بكره قطر
انا مش بكره قطر بس بحب مصر

انا مش عارفه انا حالتى ايه من الجملتين دول
لكن ايا كانت
مش عايزة لما اعد هنا كتير
ارجع مصر و انا مبحبش قطر و بكره مصر !!

مش عايزة ارجع و انا زى بابا .

بكتب البوست ده و انا فى اجازة اسبوعين مقضياهم فى مصر

سلام

Happy Valentine

هرتلة

مش عارفة هكتب عن ايه
عندى كلام كتير عايزة اقوله
مخنوقة اوى اليومين دول و مش عارفه ليه .. من غير سبب ؟ لا اكيد فى سبب بس انا لسه مش عارفاه
حاسه انى متضايقه جدا رغم انى بكرة هركب الطيارة و هنزل على مصر و انا بقالى اكتر من 6 شهور مستننيه اليوم ده
مش عارفة فيا ايه
بسمع اغنية معينة مرة ورا مرة ورا مرة طول اليوم و مبغيرهاش مع انى مش حاسه بكلامها اصلا
معظم اللى حواليا شايفين ان انا انسانة متناقضه و متقلبة
انا دلوقتى اقتنعت بالكلام ده جدا
فى لحظة مخنوقه و مش طايقه حد و بعدها بثوانى فرحانه
و كله من غير سبب
مليش نفس اعمل حاجه
حاسه ان حياتى كلها فلاشات باك .. كل ما حاجه تحصل افتكر موقف مشابه مع ناس تانية زمان

Dunno whats wrong with me..

كلنا بنحبك يا حمار

جالى الفيديو ده عالايميل و قلت لازم احطه هنا
فاكرين الست دى
ايوة .. هى بتاعة مفيش حاجه..

بس المرة دى بتتكلم عن الحمار
يا ترى مين ؟؟

Tagged

..تاج و تاج و اتجمعوا التيجان

فجأة لقيت مبعوتلى تلاتة تاج مرة واحده

..

اتنين من عند شاب فقرى

و واحد من عند وئام

..

المهم انا هرد على اتنين عشان التالت مش عاجبنى:P

..نبدأ بتاج المثقفين

افتح الكتاب اللي بتقراه حاليا علي صفحة 123 و عد خمس سطور و اكتب اول تلاتة بعدهم.. ايه العقد دى

.................................................
.وصل النبيذ خلال 30 ثانية ، ملأت كأسينا
" و هى ماذا تفعل ؟"
" أتود فعلا أن تعرف؟ "
أزعجنى أن أتلقى سؤالا للإجابة عن سؤالى.

................................................

الزهير - باولو كويلو

.مش حلو اوى زى ساحر الصحراء و ممل حبتين و بقالى فترة بقرا فيه بس لسه مكملتوش

..

نيجى بقى للتدبيسة الكبيرة

التاج التانى

..

اللى هيحصل لايميلك بعد ما تموت؟

هيحصله ايه يعنى .. هيتقفل بعد فترة

..

اديت الباسوورد لحد قبل كده؟

.. يس

..

لو اه كانت طبيعة علاقتك بيه اية؟

صاحبتى الانتيم

..

إسمك؟

ايثار

..

اسم الدلع المشهور وسط اصحابك؟

eith - emmy - emz

..

عمرك؟

مش كتير

..

البرج؟

الجوزاء

..

مجال دراستك؟

ثانوية عامة .. بعيد عنكوا

..

شخصيتك نوعها ايه؟

و الله اللى يجاوب عالسؤال ده الناس اللى تعرفنى ..

..

السفر بالنسبة لك؟

عادى .. على حسب المكان

..

المود بتاعك؟

مخنووووقه

..

وقت فراغك بتعمل فى ايه؟

مفيش غير اتنين

نت و نووووووووم

..

الاكلة المفضلة؟

French Fries

نودلز

نوتيلا

بيتزا

..

اكثر 6 حاجات بتكرهها؟

قطر

شغل البيت

اللحمة الضانى

الكدب

الخيانة

الصداااع

..

اكثر 6 حاجات بتحبها؟

النوم

النت

جرنان الدستور

المطرة

البحر

اللى يعملك حاجه و مش مستنى كلمة شكرا

..

الشغل بالنسبة لك؟

مذاكرة

..

الانترنت والكمبيوتر بالنسبة لك؟

حياتى التانية

..

..

امرر التاجين دول

لطارق - كوارث
mido 313
مؤمن - نهار اسود
3rby

وحشتينى

كم كنت غبية

ادرك الآن كم كنت غبية

رأيتك مرة اخيرة

هناك فى العناية المركزة

ثم رفضت الذهاب ثانية

لم أرد ان اراك طريحة فراش المرض

لم أعرف انك كنت تودعيننا آنذاك

........................

وحشتينى

واحشنى كل يوم جمعه كنت بشوفك فيه

واحشنى كحك العيد اللى كنتى لازم تعميليه بايدك

"كان نفسى أشوفك عروسة"

آخر حاجه قلتيهالى..

..............................

...................

.....

رحمك الله

و أسكنك فسيح جناته

فى ذكرى وفاتك .. جدتى

تمثيل

كتير اوى بحس ان الحياة دى كلها
مسرحية كبيرة

و الناس هما الممثلين
منهم اللى بياخد ادوار البطولة
و منهم كومبارس
و منهم مبيعرفوش يمثلوا

و كله بيمثل على كله

و كل ما افتكر حاجه بجد
فى الاخر بيطلع تمثيل .. بس كويس

شوية المسرحية تقلب كوميديا
و يبقى ناقص صوت ضحك الجمهور

و شوية تقلب دراما
و ابدأ اعيط

و بعدين افتكر
ان ده كله تمثيل !!

كنت بحس انى لوحدى
وسط كل دول مبمثلش

بس شوية شوية اتعلمت
ازاى مبقاش انا
و افضل امثل على طول الخط
و بقيت بسمع تصقيف الناس

و فضلت امثل امثل من غير ماخد بالى

و يوم ما زهقت من التمثيل
ملقتش نفسى تانى
معرفتش ارجع انا

الكتاب اكوارثى الاول

احم احم
بدأ النهاردة معرض الكتاب
و نزل كتاب لطارق ..أخويا الكبير

.
الكتاب الكوارثى الاول
.

.
تليباثى
دار الؤلؤة
تجدونه فى..
سراى 4 الدور الارضى
او
جناح المانيا (أ)
تأليف طارق عميرة
.
اعتبروه اعلان غير مدفوع الاجر :D
يللا مبروك يا طارق و عقبال العدد التانى و التالت و كل ما كتبت اناملك

حالة غريبة

عارف لو .. ؟

لا معرفش

.. يبقى لسه

لسه ايه ؟؟

لسه كتير

؟؟؟؟؟؟

.. هتفهم اقصد ايه بعدين

My Photos

..كام صورة كده صورتهم امبارح

بضحك عشان بخاف عينيا يدمعوا

النهاردة ..
يوم غريب اوى

الصبح كنت عادى و مصدعه شوية
بس الحمد لله لقيت بانادول مع حد من اصحابى .. المشكله انه كان ازرق !!
يعنى بانادول العادى .. يعنى مش هيأثر فيا لان الاكسترا بينفع بالعافية اساسا!!
اخدت واحده .. و بعديها التانية
من ساعة ما اخدت تانى واحده و انا مش طبيعية ابدا
هيست تهييس مش ممكن ..
حتى شكيت هو اللى انا خدتو ده كان بانادول ولا حاجه شبهه
ضربت خالص ..
بقيت عامله زى السكرانين اى حاجه بضحك عليها و عقلى مش فيا و رايحة جاية بضحك لغاية ما اقع عالارض
او على راى واحده من صحاب كنت
!! Crunk
Crazy + Drunk
قعدت فى الحالة دى من الساعة 9 و نص الصبح لغاية الساعه 2
فترة طويلة اوى بالنسبة لتهييس زى ده
عالساعه 2 كده كنت خلاااااص مش قادرة وشى احمــــــــــــــــــر من كتر الضحك و كنت حاسة انى بولع
المهم بقى
انى وسط كل الضحك و التهييس ده
جيت مرة واحده
بطلت ضحك لثانية كده
و قلت : "انا متضايقة اوى!!" و بعدين كملت ضحك
و اصحابى قعدوا يضحكوا عليا على اساس انى كنت بهزر و مينفعش حد يبقى عامل كده و يقلك متضايق اوى
بس الفكرة انى دى كانت فعلا الحاجه الوحيده اللى قلتها بجد النهارده

انا متضايقة اوى

ماهو كل التهييس ده مش جاى من فراغ
انا مبلسعش كده غير لو انا فعلا متضايقة ..
اوى

تحت !

مش عارفه اقول ايه ..
لما تكون صورة مصر قدام الناس اللى هنا (فى قطر) هى سعد الصغير و بعرور..
لسه شايفه فيديو لسعد الصغير فى فرح من الافراح .. بجد مشفتش سفاله كده .. حاجه تقرف بجد
و المصيبة ان الناس عمالة تتفرج .. و مبسوطة
و لا الست اللى جنبه دى
دى لو كانت قلعت ملط و قعدت ساكته كان احسن
كنت لسه بقول مفيش تحت اكتر من كده
طالما فى ناس زى دول يبقى فى تحت كتير تانى
تحت كتير اوى

Butterflies

A shiver
and . .
Butterflies in my stomach !

سجن

أن تكون حبيسا

لسجن من النفاق

أنت صانعه

,,

انه الجحيم بعينه