Jan 9, 2007

تحت !



مش عارفه اقول ايه ..
لما تكون صورة مصر قدام الناس اللى هنا (فى قطر) هى سعد الصغير و بعرور..
لسه شايفه فيديو لسعد الصغير فى فرح من الافراح .. بجد مشفتش سفاله كده .. حاجه تقرف بجد
و المصيبة ان الناس عمالة تتفرج .. و مبسوطة
و لا الست اللى جنبه دى
دى لو كانت قلعت ملط و قعدت ساكته كان احسن
كنت لسه بقول مفيش تحت اكتر من كده
طالما فى ناس زى دول يبقى فى تحت كتير تانى
تحت كتير اوى

8 comments:

frozen love said...

hwa t7t b32l....lw 3la 3d sfalto we eno waty ...msh mshkla..eldor we elba2y 3la elnas b2a ely btsm3o we bt7bo..we ele3lamen ely beygebo..we elmkhrgen ely beyshhrooo

lesa fe shwyt t7t kman..we b3d kda fo2 b2a isa..l2ny mfesh at7t mnno..lol

dead man said...

ده لسه في تحت.. وتحت التحت في تحت..

جمهورية أوعى الفحت لتقع تجت

3rby said...

والله انا اللي نفسي اعمل كده
:))
بس زي ما قلتلك يا امز مفرد
دول مش مغنين
ممكن تقولي علي صبي عالمة
طبال
كده يعني

moodysalihamidzic said...

امال لو عرفتى
ان سعد الصغير بنى جامع
وزعلان ان اهل شارعه مش راضيين
يصلوا فيه

emz said...

frozen love

fo2 ba2a.. ya ret ..

dead man

نحييكم من "قعر الحلة " اللى احنا فيها على راى مصعب

3rby

حتى لو كانوا مش مغنيين
ازاى يوصلوا للسفاله دى و محدش يتحرك ؟

moody salihamidzic

مسجد؟؟ بجد و الله
ربنا يديه على قد نيته بقى
و كل واحد و نيته

3rby said...

يا بنتي انتي عارفة الافراح اللي بيعملوا فيها كده بتبقي في مناطق ميكانيكية وصنايعية وبعدين ده كده مؤدبين يعني اللي واقفة ديه واضح انها مومز عايزاها تعمل ايه ماهي لازم تعمل كده

koukawy said...

ما هي بدأت بحكيم و فضلت تنزل و شكلها كده هتخدنا و تنزل و متطلعش تاني
حسبي الله و نعم الكيل
و الست اللي جانبه جريئه اوي اكتر منه انا شفت الكليب ده و حسيت ان جسمي قشعر من القرف

الحصان الأسود said...

المهم ان احنا فوق قوي عن الناس دي



تحياتي