يوم الخميس اللى فات و احنا فى مدرستى الكريمة لقيتهم بيجرجرونا على قاعة المحاضارات .. طبعا رحت و انا مبسوطة جدا عشان حصص الفيزيا و العربى هيضيعوا .. لكن مكنتش اعرف ان دمى هيتحرق كده ..
المهم اللى هتدينا المحاضرة واحده اسمها بدرية معرفش ايه .. ما علينا ..
بدأت المحاضرة اللى اسمها نهاية لعبة !
اللعبة دى اللى هى الموبايل و محدش يسألنى ايه العلاقة ..
الست ركزت على أربع نقط رئيسية ..
أولا :
حرام الواحده تتصور بالموبايل بتاعها عشان كل الصور بتتسجل على الذاكرة الاحتياطية و بعد ما الموبايل ده بيتباع الشباب اللى هما الشياطين و الذئاب البشرية بيشتروا الموبايلات دى اول ما يعرفوا انها بتاعة بنات و يتفرجوا عالصور و بعدين يركبوها على اجسام تانية ..
حاولت الاقى للست اى عذر قلت يمكن قصدها على الفون ميمورى و الميمورى كارد فلو اتمسحت الصور من واحده بتفضل فى التانية .. بنت قامت قالتلها ما تعمل فورمات للموبايل فاذا بها بتقللها لا .. الصور دى مهما مسحتيها بتفضل عالموبايل مبتتمسحش ابدا !
ثانيا
حرام الواحده تخرج مش مغطية وشها لان كده اى حد ممكن يصورها و الصور دى بعد كده تتبعت بالبلوتوث او تتحط عالنت و البنت تتفضح !
ثالثا
حرام اى واحده تروح فرح و تلبس فستان سواريه و تتزين عشان ممكن تتصور هناك و الصور دى تنتشر برضه! (مع العلم ان هنا كل الناس بتتفتش قبل ما تدخل اى فرح و كل الموبايلات و الكاميرات بتتاخد )
رابعا
الكفار اللى اخترعوا الموبايلات دى كانوا مخليين مساحة الفيديو بتصور لغاية دقيقة .. و بعدها وصلت لتلات دقايق .. و بعدها وصلت لساعة ..
ليه بقه ؟؟
عشان الكفار اول ما عرفوا ان المسلمين بيستخدموا الفيديو ده فى اشاعة الفتنة قاموا زودوه لساعة !!!
ده غير طبعا شوية قصص الفضايح اللى اتقالوا ما بين الكلام ، و معرفش مين اتطلقت و مين انتحرت بسبب صورة ما و بتاع ايه .. ممكن شوية من القصص دى تكون صح بس ابدا متتقالش فى السياق ده ..
و فى النهاية استتروا يا بنات يا حبيبات جلبى استتروا استتروا .
المهم اللى هتدينا المحاضرة واحده اسمها بدرية معرفش ايه .. ما علينا ..
بدأت المحاضرة اللى اسمها نهاية لعبة !
اللعبة دى اللى هى الموبايل و محدش يسألنى ايه العلاقة ..
الست ركزت على أربع نقط رئيسية ..
أولا :
حرام الواحده تتصور بالموبايل بتاعها عشان كل الصور بتتسجل على الذاكرة الاحتياطية و بعد ما الموبايل ده بيتباع الشباب اللى هما الشياطين و الذئاب البشرية بيشتروا الموبايلات دى اول ما يعرفوا انها بتاعة بنات و يتفرجوا عالصور و بعدين يركبوها على اجسام تانية ..
حاولت الاقى للست اى عذر قلت يمكن قصدها على الفون ميمورى و الميمورى كارد فلو اتمسحت الصور من واحده بتفضل فى التانية .. بنت قامت قالتلها ما تعمل فورمات للموبايل فاذا بها بتقللها لا .. الصور دى مهما مسحتيها بتفضل عالموبايل مبتتمسحش ابدا !
ثانيا
حرام الواحده تخرج مش مغطية وشها لان كده اى حد ممكن يصورها و الصور دى بعد كده تتبعت بالبلوتوث او تتحط عالنت و البنت تتفضح !
ثالثا
حرام اى واحده تروح فرح و تلبس فستان سواريه و تتزين عشان ممكن تتصور هناك و الصور دى تنتشر برضه! (مع العلم ان هنا كل الناس بتتفتش قبل ما تدخل اى فرح و كل الموبايلات و الكاميرات بتتاخد )
رابعا
الكفار اللى اخترعوا الموبايلات دى كانوا مخليين مساحة الفيديو بتصور لغاية دقيقة .. و بعدها وصلت لتلات دقايق .. و بعدها وصلت لساعة ..
ليه بقه ؟؟
عشان الكفار اول ما عرفوا ان المسلمين بيستخدموا الفيديو ده فى اشاعة الفتنة قاموا زودوه لساعة !!!
ده غير طبعا شوية قصص الفضايح اللى اتقالوا ما بين الكلام ، و معرفش مين اتطلقت و مين انتحرت بسبب صورة ما و بتاع ايه .. ممكن شوية من القصص دى تكون صح بس ابدا متتقالش فى السياق ده ..
و فى النهاية استتروا يا بنات يا حبيبات جلبى استتروا استتروا .
14 comments:
ههههههههههههه
طيب ارد اقول ايه
بس على فكره العيب مش على البنت فى رايى
العيب على اللى للحظه نسى ان دى ممكن تكون اخته او امه او مراته
انا هروح استخبى بقى
هههههههه
فعلا ضحكتيني اوي يا امز بعد المحاضرة دي الناس هتقول لك اوعي تتصوري يا اثار ده التصوير حرام و استري نفسك يا بنت
دي حاجة تفأع
=)
وانا من مزنقى هذا احب احذر كل شاب و كل فتاة
"الموبيل فيه سم قاتل"
وعلى رأى المثل,قاله يابا علمنى الهيافه قاله تعالى ف التافهه واتصدر
موبيل ايه اللى انتحروا بسببه
صح النوووووووووم
ما هو ده نتاج التركيبة السحرية
هوس على شوية جهل على غباء كتيييييير
وقلبه كويس
وبعدين كبي الطبخة في الزبالة
فده مكانها الطبيعي
هو فيه ايه ؟؟؟
انا سمعت ان الكفار وليعوزي بالله
وليعوزي بالله حقيقي
عملو اختراع تاني اسمه اكس بوكس
واستغفر الله العظيم بيشتغل عليه لعب وبتاع
واستغفر الله العظيم ممكن العب عليه فيفا
فيفا عبده
سلاموووووووووووز
دا بجد... طب و الست دي مشيت كدا من غير ما أي حد يا خد أي رد فعل .. يعني ما حدش صحاها يعني .. سيبتوها عادي يعني؟
أنا لو كنت موجود... و دا طبعا مستحيل كنت صورتها بالكاميرا عادي يعني... مش بس لأني ماعنديش موبايل بيصور... لا و كمان رخامة... و .........ما علينا كويس اني ما كنتش هناك
لماضة
منورة البلوج :)
طبعا الغلط على اى حد ممكن يعمل كده مش عالبنت نفسها .. بس غالبا هى كانت بتحاول تستخدم سياسة الترهيب
boba
:) حاجه تحرق الدم مش تفقع بس .
saso
هههههههههههه
صباح الخير
سعيدة بزيارتك :)
bluestone
صح كلامك بس مش قوى برضه .. لان هنا فى قطر متهيألى فى مشاكل كتير بتحل بسبب الموضوع ده .. بس الغباء فى المحاضرة انها حرمت كل حاجه .
mohamed hesham
فى كبت كتير مبوظ الدنيا
soooo
هههههههههههه
فيفا ..
اعوذ بالله ..
حرام على فكرة .. مش فى الجماهير ستات برضه
m.r
هو كان فى ردة فعل طبعا .. بس كل حاجه و كان ليها رد !
طيب حرام الواحد يعدي جمب محل فيه هذه الأجهزة الكافرة ولا إيه النظام ؟
ولو عدى يتوضى مرتين ولا إيه النظام برضة؟
العلم مهواش ببلاش صحيح
دخلت عندك غلط قرات الموضوع دخلت ارد قرات الردو اللى شوية الجهلة كتبنهاوقلت عجبى على الزمن ده والعيال ده ريحة على فين على ممكن استرجاع جميع البيانات والمعلومات فعلا وسلملى على المتخلفين
حرام البوست ده
حرام ليه يعنى ؟؟؟
استتري استتري :)
علي فكرة الست معاها حق
طبعا الموبيل حرام والتليفزيون حرام والبوتاجاز حرم
ولو حد فيكم عنده _والعياذ بالله _ سخان في بيته اوعي يستخدمه لانه حرام
والتليفون الارضي برضو حرام مش ممكن يكون الراجل بتاع السنترال بيتصنت علينا
ربنا يسترها علينا
تحياتي للمدونة ولل(متخلفين ) اللي مش عاجبين الاستاذ اللي خاف يكتب اسمه
Post a Comment