Dec 31, 2006

رهبة

امبارح
اول يوم عيد

صحيت عادى الصبح او بالاصح قمت من السرير.. لانى منمتش اصلا و بدأت البس عشان ننزل لصلاة العيد
رحنا صلينا و الدنيا كانت تلج ..
رجعنا قععدت عالكمبيوتر شوية و بعدين بدأنا نحضر الاكل و كده
اكلنا و كله تمام .. بدأنا نتفرج على ماتش الاهلى و الزمالك .. و الحمد لله الاهلى كسب .. مش لانى اهلاوية اوى لكن عشان بابا وعدنا لو الاهلى كسب هننزل :p

لحد هنا كله تمام ..

لبسنا و نزلنا و رحنا على السيتى سنتر .. اكبر مول فى الدوحة ..
طلعنا عالسينما شفنا الافلام الموجوده
قررنا ندخل حفلة نص الليل
و كالعاده انقسمنا الى فريقينل
Deja Vu انا و بابا و اختى قررنا ندخل فيلم
Happy Feet بينما اختى الصغيرة و ماما قرروا يدخلوا

لحد هنا تمام

جبنا الفشار و البيبسى و كل واحد دخل على فيلمه
بعد حوالى ساعه من بداية الفيلم كده
فجأة بدأت كل الناس تخرج مع ان مفيش استراحة و اى كلام من ده
و لقيت بابا بيقللنا "فى حريقة .. خليكوا هنا"
جسمى كله قشعر و حسيت احساس غريب .. احساس بالرهبة ..
محستش انى خايفة اوى على قد ما حسيت نفسى باردة
قدام اختى اللى اول ما سمعت كلمة حريقة من هنا و بدأت تعيط
بابا نزل و انا مش عارفة اعمل ايه
انا قعدت اهدى فيها و هى بتقللى يللا ننزل

ماما و اختى الصغيرة خرجوا من الفيلم اللى كانوا فيه
و اتقابلنا بره ..
و اشتغل انذار الحريق
عربيات اسعاف و مطافى المكان كله اتقلب
و الناس كلها بتجرى عالباب
روحنا عالبيت مع وعد من بابا ان احنا هندخل نكمل الفيلم تانى

معرفش اول مرة يحصللى موقف كده
احاسيس كتيرة اوى
حسيت انى خايفه .. من ربنا
حسيت انى لازم افوق بقى و اعرف انا ليه بقيت كده

....
مش عارفة انا ليه بكتب البوست ده
بس حسيت انى محتاجة افضفض


7 comments:

nour said...

الحمد لله يا بنتى انكوا بخير
مش عارفه اقولك ايه مجربتش الشعور ده
مرة واحدة بس كنت فى ثانوى و جيت ارن الجرس فى بيت واحدة صاحبتى و كان السلك مكشوف
و طبعا اتكهربت ومحستش بالدنيا حسيت ان روحى بتتاخد منى و الدنيا ضلمت لما فوقت عرفت ان ابو صاحبتى شدنى من على السلك و اتكهرب هو بس الحمد لله احنا الاتنين كويسين
دى كانت اكتر حاجة حصلتلى و ربنا ستر
كل سنه و انت بالف خير

dead man said...

الحمد لله أنها خلصت علي خير ومحدش حصله حاجة.. حمدلله علي السلامة

We2am said...

wooow weee..:S:S
7mdella 3alsalama yabntyyyyy..ya nhar azr2!kowes enha gat 3la 2d kida..m3lsh..film eh b2a w bta3 eh..brka enko b7'er :P

مُصْعَب إِبْرَاهِيم said...

طيب حمدالله على السلامة، وكويس إنك فكرتي كده... المهم تكملي.. ما تبقاش حاجة لحظية

3rby said...

تقصدي ايه بكده؟

emz said...

nour

الحمد لله انك كويسة
و كل سنة و انتى طيبة

dead man

الله يسلمك

we2am

allah yesalemekek ya emma
we el 7amdulella
bas te3rafy
ana hamoot we akamel el film :P

مصـ( الخير )ـعب

الله يسلمك
فعلا ده المهم .. يا رب

3rby

اقصد حجات كتير
بلاش فضايح بقى :P

3rby said...

كده يبقي لازم اشوفك لما تيجي مصر
:)