Dec 28, 2006

2006 سنة الغم كله



ياااه .. اخيرا 2006 هتخلص
سنة نكد على جميع المستويات .. على المستوى الشخصى و على المستوى المصرى

على المستوى الشخصى

السنة كده اولها مش مظبوط .. فبوفاة جدتى (الله يرحمها) فى بدايات شهر فبراير خلتنى اعرف ان شكلها هتبقى سنة سووووودة
بعدها باربع شهور و قبل ما نفوق من صدمة وفاة جدتى .. نفاجأ بصدمة اخرى الا و هى وفاة عمى (رحمه الله)
قبل ما انا افوق من الصدمتين افاجأ بموضوع انتقالنا الى قطر .. يعنى اسيب كل اصحابى و قرايبى و حياتى و اجى اعيش فى بلد معرفش عنها حاجه ..
و فوق كل ده .. افوق على نهاية قصة حب مبدأتش اصلا
مش عارفه انا اللى نحس و لا السنة هى اللى فيها حاجه

نيجى بقى للمستوى المصرى

سنة الكوارث.. العبارة و القطارات و انفولنزا الطيور
احداث كتيرة اوى .. مظاهرات و اعتصامات و محاكمات
من اول تامر حسنى و احمد الفيشاوى مرورا ببنى مزار لغاية وائل الابراشى و ابراهيم عيسى
و موت الكثير من الشخصيات المهمة .. نجيب محفوظ ، هدى سلطان و غيرهم كتير
ده غير تحرشات وسط البلد و انتشار ثقافة الهشك بشك و العنب العنب
اللى بيحصل فى الجامعات و ميليشيا الاخوان و و و
لو عدينا المصايب مش هنخلص ..

نيجى للحجات الحلوة الوحيده اللى حصلت و اللى كلها كروية و الحمد لله
فوز مصر بكاس افريقيا
فوز الاهلى قدام الصفاقسى
حصول الاهلى على المركز التالت فى اليابان

مش عارفة هو فى تحت اكتر من كده هننزله و لا ايه .. انا شايفه ان احنا خلاص وصلنا للقاع و ميتهيئليش فى اوحش من اللى احنا فيه

يا رب تكون 2007 احسن من كده و منرجعش نقول ده 2006 كانت ارحم

!! حاجه اخيرة نسيت اقولهالكوا.. كل سنة و انتوا طيبين

15 comments:

كلبوزة لكن سمباتيك said...

كل سنة و انت طيبة و عام سعيد
و ربنا يجعل السنة الجديدة سعيدة
:)

frozen love said...

kol sana wento tyben b3d kl da...lol


isa zye manty 2lty mafesh t7t aktr mn kda...y3nya lazm ntl3 foo2 b2aa khlas..kda elakhr...i wish we could do that...isa aked hn2dr y3ny

dead man said...

معتقدش أن السنة اللى جاية هتبقى أحسن .. ولا حتى اللى بعدها

سجين فى قلب الوطن said...

يارب السنة الجاية تكون سعيدة عليك و تكونى فى أحسن حال.

كل عام و انت بخير
كل عام و انت و أسرتك بخير
كل عام و الأمة الأسلامية بخير

سنة جديدة سعيدة للصغيرة

و مش ح قول الكبير يبقى مين ؟؟؟ :-P

سجين فى قلب الوطن said...

كل سنة و انت طيبة أيتها الصغيرة الكبيرة

و أتمنى لك عام مقبل افضل

هراءات منطقية said...

يا ساتر يا رب....ربنا مايجيب سواد

كل سنة و انتى طيبة

ذو النون المصري said...

كل سنه و انتي طيبه و بالف خير و صحه و سلامه
واتمني لكل صاحب امنيه ان يحقق ما يرضيه خلال العام القادم
-----------------------------العيد فرحه كل سنه و انتم طيبين

ذو النون المصري said...

كل سنه و انتي بخير

islamz said...

كل سنة وانتى طيبة .. وان شاء الله السنة الجديدة تكون احسن باذن الله ..

:] تحياااتى

عبدالله مفتاح said...

كل سنة وانتي طيبه
بس جامده حكاية قصة الحب اللي مبتدش
لما كنت صغير رحت زي الناصح وقلت لاخويا اني بحب واحده
عدت سنين ولقيت نفسي لا بحبها ولا حاجه
ويا عيني كنت برسم بقا واعيش نفسي في الدور
دلوقتي البنت دي لاقيت ان معايير المراهقه غير معايير النضج
تقبلي تحياتي

We2am said...

walhy ya bnty klamk sa7 ta7n..w feh 7agat kter gedan enty ma2oltehash mnha elle 7sl fe west elbald :D enma felnhaya kan 3ndy 7agat 7elwa w 7agat we7sha..thank god..kol sana w e7na bn7wel :)))
mmkn trody 3la deadman l2ny law rdet msh haynf3!!!!! :$

Nouran said...

طب كويس انك افتكرتي كل سنة وانت طيبة والسنة دي نبقى احسن ان شاء الله:))

emz said...

كلبوزة لكن سمباتيك

و انتى طيبة يا كلبوزة و بصحة و سلامة
:)


frozen love

we enta tayeb ya 7amed
we isa hane2dar.. bas emta?


dead man

mesh darory a7san
bas el mohem mesh aw7ash


سجين فى قلب الوطن

و انت طيب
مين حضرتك ؟؟ :P


اياكش تولع

هههههههههههههههه .. آمين
و انت طيب


ذو النون المصرى

و انت طيب


islamz

منور المدونة :D
و انت طيب و يا ريت تكرر الزيارة


عبد الله مفتاح

ههههههههههههههههه

we2am

kol sana we enti bet7aly ya emma
we salamet 3eneky ana 2olt elle 7asal fe west el balad bas bsor3a keda
rody enti 3aleh la7san ana ma3reftesh :P


nouran

و انتى طيبة يا رب
و ان شاء الله تكون احسن

nour said...

كل سنه و غيرنا طيب

مُصْعَب إِبْرَاهِيم said...

اسمحيلي أقول لك من "قعر الحلة" اللي احنا وصلنا لآخرها ... كل سنة واحنا طيبين