متأكدة انك مش نازلة ؟؟
آه مش نازلة
يا بنتى الجو حلو اوى و مضمنش هنعمل ايه بعدها
خلاص بقى قلت مش عايزة انزل
ماهو الفكرة ان مفيش حتى نت .. هتعملى ايه ؟؟
(فى حاجات كتير غير النت تتعمل (بالذات لو انا لوحدى .. متفهمونيش غلط
!!براحتك
........................
!!ياااه اخيرا لوحدى
اسارع بفتح الشبابيك .. اتنسم نسيم الحرية (حلوة اتنسم دى) اقلب من الجزيرة و اجيب قناة ميلودى ..انا مش بحب اتفرج عالاغانى بس واجب برضه اطمن على احوال المغنيين و المغنيات و اشوف ايه الجديد .. و مين انضم اللقائمة السوداء و مين لسه محترم نفسه.. شوية عقبال ما ييجى الفيلم الرومانسى اللى انا مستنياه .. الاقى كل الاغانى وسخة ..بستثناء حاجات قليلة .. اقلب لغاية ما اشوف كارول سماحة فى اخر فيديو كليب .. اتفقع .. هى دى كارول اللى كنت بحب اسمعها .. اسيب التلفزيون خالص اقوم احضر ماج كابتشينو .. عقبال ما الفيلم ييجى .. ماهو الفرجة روقان برضه .. ياااه لسه فى وقت .. اطل عالنت الاقيه اشتغل .. لأ ده يوم حظى بقى .. افتح اللاب توب و اكتب البوست ده فى انتظار الفيلم .. ايه ده شكل الكابتشينو برد .. يللا مش خسارة فيكو .. سلام بقى لحسن الفيلم شكله بدأ
14 comments:
مساء الخير !
تعرفي بمناسبة القائمة السوداء زي ماسميتيها وناس بتقول على قنوات بحالها انها فاسقة وابايحة وكلام من دا زي ميلودي نفسها وحتي دريم مش عارف بس انا بشوف لو تكون قنوات مخصصة للهيفاء واح واو والكلام دا وقنوات تانية لسامي يوسف وامال ماهر والناس المحترمة دي ..اعتقد ممكن يكون الوضع اجمل
شكرا
A L A B D E L R H M A N
مينفعش النظام اللى ات بتقول على ده .. لان القنوات دى بتعتمد على التنوع .. يعنى نفس الناس اللى بتشوف هيفاء و الواوا بتاعتها هى نفس الناس اللى بتشوف سامى يوسف.. فجتمعنا ملئ بالتناقضات ..
السلام عليكم
أنا كمان لما باكون لوحدي بعمل كده و كمان بعلي التلفزيون علي الأخر و أخر مرة عملت كده يوم السبت أتفرجت علي بيرل هاربور و كنت معلي علي الأخر كأني في السينما
بس للأسف الموضوع ده مش بيحصل كتير دلوقتي
و للعلم بردو الجو اليومين دول للخروج رائع
سلام
الا هو الفيلم اسمه ايه اصلي ممكن اكون باحبه وممكن الحقه ؟
حلوة هههههههههه
i am always home alone.
حتي وانتي بترغي لذيذه
اعملي حسابي معاكي في واحد كابيتشينو
يا بختك بجد احلي لحظاتي فالبيت و انا قاعد وحدي كده و مروق ... بس الدش بقاله 3 ايام بايظ و مضطر اتفرج علي التليفزيون المصري ... حاجه صعبه اوي تحسي انه بث تجريبي ... طول الوقت بث تجريبي ... حاجه استحاله بدأت اتجنن ام بي سي تو و العربيه و الجزيره و الحره و ميلودي و ميلودي افلام و ميلود اغاني و مزيكا هاعيط يا جدعاااان ارجوكم لازم الدش يتصلح لازم لازم بقي انا هاتجنن عندنا 10 قنوات شبه بعض ...
هاني جورج
انتوك
أعطني حريتي أطلق كيبوردي
انتي على الرغم من سنك إلا أنك بسم الله ما شاء الله عندك عقل يفوقه بكثير
ربنا يقويكي يا بنتك و "ييسر لك"
طبعا فاهماني
can i ask what movie were u waiting for ??
just a q jumped on my mind
ya slaaam ..3la elmzaag..3mla zye..el23da lw7dk kter btb2a dmagh..bs film eh b2a??
نظرا لكثرة الاسئلة حول الفيلم .. فأنا هريحكوا الفيلم كان
"50 first dates"
فيلم حلو جدا خصوصا انى بحب البطل و البطلة ..^^
............
تحياتى
fe3lan 3andek 7a2 el film da to7fa we balash ya gama3a tzono afkar soda
nice post :)
احتاج كتيرا لمثل تلك الاوقات
تحياتي
tab esh6a...
ana kaman ze3lt ama shft carol elgdeda :(
dah 3'er eno elle fadlna howa monir w7'alas..law 2l3..7'elst :D
Post a Comment