تاج جديد مررتهولى من هنودة .. عاشقة اسكندرية
و قلت ابقى ارد عليه طالما قالوا بيظبط الموود
**
بتفاءل لما ..
اشوف حد ماشى مبتسم فى الشارع مع ان كل الناس مبوزة
بتفاءل لما ..
اسمع منير او داليدا عالصبح و احس بروح مصر عايشة معايا
بتفاءل لما ..
اشوف طفل بيضحك من قلبه من غير ما يشيل هم اى حاجه فى الدنيا
بتفاءل لما ..
الدنيا تمطر و احس بالهوا الساقع بيلمسنى
بتفاءل لما ..
اقرى بوست عند حد معرفوش و الاقيه بيوصف مشاعرى بالمللى و احس انى مش لوحدى
بتفاءل لما ..
احس بطعم الشوكولاته بيدفينى
بتفاءل لما ..
الاقى ناس كتير اوى بيحبونى بجد و انا مش واخده بالى
بتفاءل لما ..
ارجع فى الصيف للملجأ اللى كنت بروحه و الاقيهم كلهم كبروا بس لسه فاكرينى غادة و سمية و مريم .. وحشتونى مووت بجد !
بتفاءل لما ..
الاقى كل الناس بتبعد الا هى لسه واقفه جنبى
بتفاءل لما ..
معاد نزولى لمصر يقرب
بتفاءل لما ..
احس ان ربنا قريب منى رغم كل اللى بعمله
بتفاءل لما ..
يوصللى تاج جديد :)
.....
مش هدبس حد فى التاج بس اى يحب يرد عليه .. يبقى يرد براحته
9 comments:
ايه يا امز البوست الحلو ده
بتتفائلي لما بتكلي الشوكلاتة تنتي لذيذة اوي يا امز
بس بجد يا امز جامد البوست ده
ما شاء الله
=)
ربنا يديم عليكي التفاؤل والانشراح دايما يارب
سلامووووووووووز
لقيت حاجات كتيرة من اللي قلتيها بعملها
كالعاده
;)
زي منير ز داليدا اللي بدور فيهم على روح مصر
ومعاهم شادية ووردة
واحترت في (هي) اللي سبتيها مبهمة
بس حاحترم السكوت عنها و حاكتفي اني أقولك اني متوقة تكون واحده من اتنين
:)
أخبار المود اييييه؟؟
جاب نتيجه؟؟
وانا بتفائل لما بلاقيكى لسه بتكتبى
:)
وانا بتفائل لما بدخل بلوج وبلاقي الناس كلها تقريبا عارفه بعض
وافضل اسال نفسي دي معرفه اصلا في الواقع
ولا معرفه من النت يعني أصحاب بلوجات يعني
بس مش مهم
المهم اننا نكون عارفين بعض ونطمن على بعض حتى ولو بالبوستات
واهم حاجه
نتفائل لما نعرف بعض
واسكندرية بتسلم عليكم
ويا رب برده اوصل لدرجه الاصحاب حتى ولو من البلوجات
تحياتي
اسكندرية بتحيك على البوست ده emz
كل سنة وانتم طيبين
بعد صلاة العيد مباشرة
كلكم معزومين عندى
فى ندوة لحمية مفتخرة تحت عنوان - الهط قبل اللحمة ما تغلى اكتر
وكل واحد له ربع رغيف حواوشى
هييييييييييييييييه
كلامك معبر جدا ببساطة وتلقائية متناهيه.
ربنا يوفقك.
Post a Comment