Oct 20, 2007

لست هناك

لا أدرى لماذا أحاول خداع نفسى ..
كيف اقنعها ان شيئا لم يتغير .. بل تغيرتُ و تغيرت الدنيا من حولى
و جميع الصور التى على الحائط لن تغنينى عن اصحابها..
لا ادرى لماذا وضعتها اصلا .. خوفا من ان انسى .. ام للشعور بانهم مازالوا معى .. لم و لن انسى يوما حتى و ان تظاهرت بذلك .. و لكنها تخنقنى .. تذكرنى بكل ما لا استطيع الحصول عليه الآن .. و لكن مع ذلك لا اقدر على انتزاعها ..
و تلك الجرائد المخزنة لن تفلح فى اقناعى اننى مازلت هناك .. رغم انى اقرأها مرارا و لكنها فقدت معانى كلماتها و روح صورها
حتى فانوس رمضان بهت لونه .. و كحك العيد تغير مذاقه
و مهما حاولت خداع عينى فلابد و ان تدرك الفرق..


مهما فعلت ..
فأنا هنا


و لست هناك ..


.......

لقد تغيرت .. حتى و ان حاولت التظاهر بعكس ذلك
فلابد و ان تأتى لحظات و يكشفنى ضعفى..
لكى ادرك اننى لم اعد نفس الشخص الذى كنته من قبل



3 comments:

. said...

انا شايفة فالصورة الاولى بيوت قريبة من بعض بس لشمس مزينها اوي
و الصورة التانية مكان اجمل مليان اشجار وعربيات بس الاولى اجمل واوقع
يمكن صحابك يفهمو مغزى البوست اكتر مني
لكني ترجمتو فعلقي باشياء تخصني انا
ايثار نفسي نبقى بجد اصحاب
احتاج لعقليتك فالتفكير دي اوي
فزمن الصداقة بقت بالكيلو بس كلها مغشوشة
اولا واخيرا تحياتي

Hannoda said...

بيقولوا الغلط غلطنا من البداية

طالما ماشيين .. وحانفارق حانفارق

يبقى ليه نمشي بكل اللي حايفضل يشدنا للمكان اللي سبناه

ليه مانسبش للمكان العزيز ممتلكاته و نفارقه بوعد بالرجوع مرفوع الأجل

وبيني وبينك

لقيت الكلام منطقي
فعمر ما الصور حاتريح
ولا التليفون
ولا الشات

كلها حاجات لا حتسيبك تبعدي
ولا حاتخليك قريبة
ولا انت قادرة تشيلي عينك من عليها

عجيبة الغربة

حلها الوحيد هي الإندماج في مجهود عقلي طويل لمده سنة



تحياتي

emz said...

sad_doraa

الصورة الاولانية دى منظر لشروق الشمس هنا فى قطر ..
و الصورة التانية من المعادى .. المكان اللى انا عشت فيه عمرى كله
..
و انا برحب بصداقتك جدا و مبسوطة بيها
بس عشان نبقى واضحين من الاول ..
انا مش كويسة للدرجه اللى انتى فاكراها دى :)

hannoda


كلها حاجات لا حتسيبك تبعدي
ولا حاتخليك قريبة


اهه كفاية الحته دى ..
انا مش عايزة احس انى بعيدة